Movie - The Little Hours
Release Date - 19 January 2017 (SUNDANCE), 3 June 2017 (United States)
Directed by - Jeff Baena
Written by - Jeff Baena
Produced by - Aubrey Plaza
Starring - Alison Brie, Dave Franco and Kate Micucci
Cinematography - Quyen Tren
Edited by Ryan Brown
Music by Dan Romer
Production companies - Starstream Media and Destro Films
Distributed by Universal Pictures
XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX
Plot - In the Middle Ages, a young servant fleeing from his master takes refuge at a convent full of emotionally unstable nuns. Introduced as a deaf-mute man, he must fight to hold his cover as the nuns try to resist temptation.
Story:
Is film ki kahani 3 pyasi nuns ke baare me he, jo ki registan me paani ki talash me hoti he.
Ab yeh konsi pyas he, aaye jaante he.
Film ka name he "The Little Hours"
Film ki shuruat sister Farnanda se hoti he jo ki apne sath ek gadhe ko lekar church ki taraf jaate huye dikhai deti he.
Church pahuchne par uski mulakat Sister Genevra se hoti he, woh Farnanda se puchti he ki tum kal raat ko kaha thi.
Farnanda kehti he ki woh is gadhe ko pakadne gayi thi jo ki church se bhag gaya tha, Genevra phir puchti he ki har roz ye gadha bhag kaise jata he.
Dono ke bich yeh sab baat chit chal hi raha hota he ki woha paas se guzar raha gardener Lurco unhe good morning kehta he, lekin badle me usse un sistero se gaaliya sunne ko milti he.
Genevra head sister Maria se gadhe ke baare me complain karti huyi dikhai deti he, woh kehti he ki gadhe ko sambhalne ki zimedari usse de di jaay.
Agle scene me hame sister Alessandra dikhai deti he jo ki apne bistar par chup chap bethi huyi rehti he, Woh is church wali life se ub chuki hoti he or bahar jaa kar apni zindagi jina chahti he.
Agli subha Alessandra ke papa Ilario usse milne aate he, woh kehte he ki uske liye ladka nahi mil raha he kyuki ladke wale kaafi zyada dahej maang rahe he, is par Alessandra kehti he ki agar woh church me donation dena kam kar de to dahez ke paiso ki jugaad ho sakti he jispar uske papa mana kar dete he.
Agle din tino sister bune huye kapdo ko lekar jaa rahi hoti he ki phirse woha tharki maali Lurco aa jata he or unhe apni gandi nazaro se ghurna shuru kar deta he.
Tino sister usse dekh leti he or Lurco ki milkar gandi gandi gaaliya dete huye raamdhulai kar deti he.
Idhar Father Tommaso sisters duara bune huye kapdo ko lekar bechne ke liye market ki taraf nikal padta he jaha raaste me uski mulakat us tharki maali Lurco se hoti he.
Lurco kehta he ki ab woh us church me kaam nahi karega kyuki un tino sistero ne uski dhulai kar di he or usse gandi gandi gaaliya bhi di he.
Ispar father Tommaso usse request karta he ki ab aisa kuch bhi nahi hoga tum please mat jaao but Lurco apna gaand lekar woha se chala jata he.
Agli scene me hame Lord Bruno dikhai deta he jo ki apni biwi Francisca ke sath dinner kar raha hota he.
Woh apni biwi ko apne finances or war wagerah ke baare me bata raha hota he but uski biwi ka dhyan to paas hi khade apne noukar Masseto par hota he.
Dono ke bich me nain mattaka chal raha hota he, raat me dono palang todne ke baad ek dusre se baate karte huye dikhai dete he.
Fransisca Masseto se kehti he ki uska husband Bruno kisi kaam ka nahi he or usse kuch nahi ho pata he, ispar Masseto kehta he ki chalo tumhe khush karne ke liye ek round or maar lete he.
Second round ke douran kamre me Lord Bruno aa jata he or isse pehle ki woh dekh pata ki uski biwi ke sath kon rangraliya mana raha he, Masseto apna gaand lekar khidki se kud kar bhag jata he.
Lord Bruno uska picha karte huye naukro ke quarters me aa jata he jaha Masseto sone ka natak kar raha hota he, Lord Bruno sabhi naukro ke chest par haat rakhta he jisse ki usse pata chal jata ki kon abhi dour kar aaya he.
Masseto ki dil ki dhadkan kaafi tez hoti he but andhera hone ki wajah se Lord Bruno pehchan nahi paata he ki woh kon he, isliye woh Masseto ka pony tail kaat deta he or kehta he ki subha hote hi usse pata chal jayga.
Lord Bruno ke jaate hi Masseto uth ta he or apne saare saathiyo ki pony tail kaat deta he.
Subha jab Lord Bruno us gaddar naukar ko sazza dene ke liye aata he tab usse pata chalta he ki uska chutiya cut gaya he.
Thori der baad Queen Fransisca phir se apni hawas bujhane ke liye Masseto ke paas jati he jo ki khule me apna kaam kar raha hota he, woh zabardasti usse chumna shuru kar deti he.
Yeh khoobsurat nazara chat par khada Lord Bruno dekh raha hota he, woh apne sainiko se Masseto ki gotiya kaat kar laane ko kehta he. Masseto apni jaan bacha kar jungle ki taraf bhaag jaata he.
Jungle me bhaagte huye Masseto ko Father Tommaso milta he jo ki nashe me dhut hota he.
Uski gaadi palat chuki hoti he or woh nadi me beh rahe apne kapdo ko bachane ki koshish me laga hota he.
Masseto Tommaso ki madad karta he jisse impress ho kar Father Tommaso usse apne sath church le jata he.
Raaste me woh usse samjha deta he ki tum goonge or behre hone ka natak karna nahi to woha ki sistere tumhe bohot pareshan karengi.
Agli subha dono church pahunchte he, woha pahunch kar Father Tommaso Masseto ki mulakat Maria se karwata he.
Pehle to woh Masseto ko church me rakhne ke liye mana karti he but Tommasso ke kehne par usse maali ki job de deti he.
Agle din Masseto apna kaam kar raha hota he ki tabhi woha sister Fernenda aa jati he or Masseto ke upar weapon taan kar uske baare me puchtach karne lagti he, dar asal Fernenda ko Masseto ke baare me kuch bhi pata nahi hota he.
Tabhi woha sister Maria aa jati he or usse batati he ki yeh naya groundkeeper Masseto he or gunga behra he.
Usi raat Fernanda ki dost Marta aati he or dono milkar kamre sharaab pine lagte he, kuch hi der baad Alessandra or Genevra bhi unhe join karti he.
Chaaro kaafi enjoy karti he or Genevra or Marta dono milkar ek kadam aage badhte huye sex bhi karne lagte he.
Agli subha Masseto zammen ki khudai kar raha hota he ki tabhi woha sister Alessandra aa jaati he, kuch der Masseto se baat karne ke baad Alessandra apne upar se control kho deti he or Masseto ke sath khule me hi kiss karna chalu kar deti he.
Masseto bhi is mouke ka pura fayda uthate huye Alessandra ke sath enjoy karne lag jata he ki tabhi church ki ghanti bajti he or Alessandra woha se chali jaati he.
Idhar Genevra or Fernanda kapde dho rahi hoti he tabhi woha Alessandra bhi aa jati he, tino bite raat ke baare me baat karne lagti he or kehti he ki kaafi mazza aaya.
Fernanda, Alessandra se puchti he ki tumhare kapde itne gande kaise ho gaye, Alessandra kehti he ki woh us gunge Masseto ki gaddha khodne me madad kar rahi thi.
Yeh sunkar Genevra or Fernanda ko yakeen nahi hota he kyuki pehle unhone kabhi bhi Alessandra ko kaam karte huye nahi dekha tha.
Ek din Genevra, Fernanda or uski friend Marta ko jungle ki or jaate dekhti he.
Woh chupkar unka picha karte huye jungle me pahunch jaati he jaha dono belladona bana rahi hoti he.
Marta Fernanda ke aankho me belladona syrup ki do bunde daal deti he or uski ungli me chota sa cut laga kar uska khoon pine lagti he. Yeh sab kaand woha jhaari me chipi Genevra dekh rahi hoti he.
Iske baad Fernanda or Marta, dono Masseto ke kamre me pahunch jaati he jaha Masseto ghode bech kar so raha hota he.
Fir hame tino ke bich ek garma garam threesome dekhne ko milta he, Marta or Fernanda apni hawas bujhane me lagi hoti he or isme Masseto bhi bina kisi bhed bhav ke pura yogdan de raha hota he.
Apni pyaas bujhane ke baad dono woha se chali jaati he.
Agli subha Bishop Bortolomeo church ki investigation ke liye woha aate he, Tommaso or Maria dono unhe church ka doura karane le jaate he.
Mouke ka fayda utha kar Masseto Alessandra ke kamre me ghus jata he or uske sath ghapa ghap karne lag jata he.
Is khubsurat pal ke douran kamre me ek budhi nun aa jati he, us nun ko dekhte he Masseto ki muh se oh shit nikal jata he jiski wajah se Alessandra kafi hairan ho jaati he.
Fatafat apne kapde thik karte huye Alessandra us nun ki madad me lag jaati he or Masseto us palang ke niche chup jata he.
Dono ka luck atchha rehta he isi wajah se us behri budhi nun ne unhe rangraliya manate huye nahi dekha tha.
Masseto khidki se kud kar bhaagne hi wala hota he ki kamre me Bishop, Tommasso or Maria aa jate he.
Ek baar phirse Masseto palang ke niche chup jata he or sabhi ke chale jaane ke baad woha se nikal jaata he.
Idhar Genevra bhi beladona banane lagti he, woh usse apni aankho me daalne ki bajay pi leti he jiski wajah se uska dimaag ghumne lagta he. Iske baad woh apne haat me cut lagati he or usse nikalne wale khoon ko apne gaalo par laga leti he.
Alessandra phir Masseto ke kamre me jaati he or puchti he ki usne jhut q bola ki woh gunga behra he, itne me woha Ginevra aa jati he.
Alessandra jaldi se bhaag kar ek kone me chup jaati he.
Beladona ki nashe me dhut Genevra kamre me ghuste hi Masseto ko chumna shuru kar deti he tabhi usse Fernanda ke aane ki awaz sunai deti he.
Woh bhi jldi se bhaag kar kone me chup jaati he jaha uski mulakat Alessandra se hoti he. Dono ek dusre ko dekh kar chauk jatee he.
Fir kamre me Fernanda aati he or chaku ki nok par Masseto ko kidnap karke jungle me le jaati he.
Alessandra or Genevra dono uska picha karne lagti he, jungle me pahunch kar unhe kaafi saari nangi chudaile dikhai deti he.
Paas me hi rassi se bandha Masseto bhi pada hua rehta he, is situation ko dekh kar dono ko samajh aa jata he ki Fernanda or Marta, Masseto ki bali chadahne wale he.
Marta Masseto ko maarne hi wali hoti he ki woha Genevra pahunch jaati he or un chudailo ko maarne lagti he.
Marta, Genevra ko saant karane ki koshish karti he but nashe me dhut Genevra uske sar pe paas hi me pade ek dande se maarti he jisse ki Marta ki mout ho jaati he.
Iske baad Alessandra bhi aa jati he or Fernanda ko Masseto ki hatya karne se rokne lagti he.
Itne me Masseto bhi apni sachai bata deta he ki woh gunga behra nahi he.
Khoon me latpath nangi Genevra bhaagte huye church pahunchti he or woha chilla chilla kar sabko ikattha kar leti he.
Shoor sharaba sunte huye Bishop bhi uth jata he, Genevra Bishop se kehti he ki Frnanda ek dayan he tabhi woha Fernanda, Alessandra or Masseto bhi aa jata he.
Bishop sister Maria ko bahar bulata he, tabhi Maria ke kamre se father Tommoso bhi nikalta he jisse dekh kar sabki aanke fati ki fati reh jaati he.
Agli subha Bishop sabhi ko saza sunata he, woh father Tommosos ko ek monk bana kar dusre church me transfer karwa deta he jaha sirf mard hi rehte he.
Masseto ko wapas uske raja Lurd Bruno ke hawale kar diya jata he jaha woh usse kaalkothri me band kar deta he.
Tino horny sisters apas me ek dusre se galat behaviour ke liye maafi maangte huye dikhai deti he, u n tino ko Masseto ki kafi chinta rehti he.
Idhar kaal kothri me Masseto apni saza kaat raha hota he ki tabhi woha Lord Bruno aa jata he, woh usse batata he ki usne apni purani biwi Fransisca ko jungli suar or kutte ke sath rakha hua he.
Woh kehta he ki jab tak uska mood accha rahega tab tak woh usse zinda rakhega, or tarah tarah ke torture methods ke baare me batata he jo ki aane wale dino me uske upar kiye jayenge.
Kuch der baad us kaal kothri me ek katchua aata he jiski pith par mombati jalti huri rehti he, us kachuye ko dar asal un tino sisters ne woha bheja tha sainiko ka dhyan bhatkane ke liye.
Jaise hi sainik us kachuye ke piche woha se chale jaate he, sisters woha aa jati he or Masseto ko nun wali kapde pehna kar woha se le jaati he.
Genevra Masseto ki jagah ek putla jail me rakh deti he jiski wajah se sainiko ko lagta he ki woh Masseto hi he.
Charo fir azad panchi ki tarah jungle me bhaag jaate he, khush to honge hi kyu ki raat ko foursome jo hone wala tha.
Idhar Maria ki mulakat jungle me bhatak rahe father Tommosoo se hoti he, dono ek dusre ko dekh kar khush ho jaate he ki tabhi unhe sisters or Masseto ki aane ki awaz sunai deti he.,
Awaaz sunkar dono chip jaate he or un sab ke chale jaane ke baad ek dusre ko dekh kar haste huye kiss karne lag jaate he and yeh movie yahi par khatm ho jaati he.
Video ki shuruaat me, maine jo pyaas or registan ki baat kari thi, ummed karti hu ki aap sabhi ke samjah me aagayi hogi.
XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX
Note: This script was sold to Decoding Movies Youtube Channel, Any unauthorized use of this script will result in a copyright strike that solely depends on the owner's action.
Click here to check out the explanation on Decoding Movies Youtube Channel.
Full movie streaming on - Amazon Prime app.
XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX
